Великий покаянный канон в четверг первой седмицы Великого поста
Чтение Великого канона — это, своего рода, словесное паломничество в духовный мир святого Андрея Критского, в мир восточной монашеской мистики и православной византийской антропологии. Великий канон знакомит читателя и слушателя с духовным измерением бытия: жизнь как стояние перед вечным Богом в сердечном молчании и творческой созидающей деятельности, как умственное богосозерцание, как восхождение к вершинам святости через отсечение слабой греховной воли и утверждение последней в добре через исполнение двуединой заповеди о любви к Богу и человеку. Кратко эту парадигму человеческого бытия выразил ещё блаженный Августин в своей «Исповеди»: «До тех пор пребудет в смятении сердце мое, пока не успокоится в Тебе, Боже».
Песнь 1 · Песнь 2 · Песнь 3 · Песнь 4 · Песнь 5 · Песнь 6 · Кондак · Песнь 7 · Песнь 8 · Песнь 9
Песнь 1.
Ирмос, глас 6: Помо́щник и Покрови́тель бы́сть мне́ во спасе́ние; се́й мо́й Бо́г, и просла́влю Его́, Бо́г отца́ моего́, и вознесу́ Его́, сла́вно бо просла́вися.
Припев: Помилуй мя, Боже, помилуй мя.
О Агнче Божий, взя́вший на Себе́ грехи́ ми́ра! Сними́ с мене́ тя́жкое бре́мя грехо́вное и, я́ко милосе́рдый, да́руй ми́ сле́зы умиле́ния.Ин.1:29
Припев: Помилуй мя, Боже, помилуй мя.
К Тебе́ припа́даю, Иису́се, и вопию́: согреши́л Тебе́, но очи́сти, сними́ с мене́ тя́жкое бре́мя грехо́вное и, я́ко милосе́рдый, да́руй ми́ сле́зы умиле́ния.
Припев: Помилуй мя, Боже, помилуй мя.
Не войди́ со мно́ю в су́д и́з-за де́л мои́х, Го́споди, не изсле́дуй слове́с мои́х и не облича́й жела́ния, но ми́лостию Твое́ю покры́й мои́ прегреше́ния, и спаси́ мя́, Всеси́льне.
Припев: Помилуй мя, Боже, помилуй мя.
Се — вре́мя покая́ния, се́ приступа́ю к Тебе́, Созда́телю мо́й, сними́ с мене́ тя́жкое бре́мя грехо́вное и, я́ко милосе́рдый, да́руй ми́ сле́зы покая́ния.
Припев: Помилуй мя, Боже, помилуй мя.
Бога́тство ще́дрых даро́в Твои́х расточи́л а́з, живу́ще блу́дно, не име́ю плодо́в благоче́стия и, гла́дом духо́вным терза́ем, взыва́ю Тебе́, Спа́се: О́тче милосе́рдый, поспеши́ ́ ко мне и поми́луй мя́.
Припев: Преподобная мати Марие, моли Бога о нас.
С восприя́тием боже́ственнаго зако́на, ты, Мари́е, отве́ргнувше необу́зданныя стра́сти плотски́х вожделе́ний, дости́гла Христа́ благогове́йным исполне́нием Его́ еди́ныя за́поведи.
Сла́ва Отцу́ и Сы́ну и Свято́му Ду́ху.
О Превы́сшая Тро́ице, во еди́нстве Ли́ц почита́емая! Сними́ с мене́ тя́жкое бре́мя грехо́вное и, я́ко милосе́рдая, да́руй ми сле́зы умиле́ния.
И ны́не и при́сно и во ве́ки веко́в. Ами́нь.
О Богоро́дице, наде́ждо и предста́тельство все́х, Тя́ воспева́ющих! Сними́ с мене́ тя́жкое бре́мя грехо́вное и, я́ко Влады́чица чи́стая, ка́ющагося, приими́ мя.
Песнь 2.
Ирмос: Ви́дите, ви́дите, я́ко Аз е́смь Бо́г, ма́нну одожди́вый и во́ду из ка́мене источи́вый дре́вле в пусты́ни лю́дем Мои́м десни́цею еди́ною и кре́постию Мое́ю.
Припев: Помилуй мя, Боже, помилуй мя.
Убие́ние му́жа принесло́ мне́ я́звы и ю́ноши стру́пья, — та́ко доса́довал Ламе́х. Ты́ же, душе́ моя́, и пло́ть, и у́м растли́вше, не трепе́щеши.Быт.4:23
Припев: Помилуй мя, Боже, помилуй мя.
Ты, о душе́, возмечта́ла воздви́гнути ба́шню из по́хотей твои́х, но тво́й Творе́ц смеша́л все́ го́рдые за́мыслы твои́ и низве́рг на зе́млю все́ твои́ лука́вые оправда́ния.Быт.11:3-4
Припев: Помилуй мя, Боже, помилуй мя.
О ка́ко аз подо́бен дре́внему уби́йце Ламе́ху! Ибо ду́шу свою́ уби́л, я́ко то́т му́жа, и у́м мой, сло́вно ю́ношу, и те́ло умертви́л страстьми́ я́ко братоуби́йца Каин!
Припев: Помилуй мя, Боже, помилуй мя.
Огнь с небе́с, подо́бно дождю́, изли́л Госпо́дь, дабы́ уби́ть пыла́ющее беззако́ние содо́млян. Ты́ же, душе́, сама́ распали́ла в себе́ гее́нский о́гнь, ко́им и сожжена́ бу́деши.Быт.19:24
Припев: Помилуй мя, Боже, помилуй мя.
Изра́нен и изъя́звлен а́з страстьми́ мои́ми, ко́и, я́ко стре́лы вра́жии, вонзи́лись в мою́ ду́шу и во пло́ть. Но стру́пы гно́йные и ра́ны, и у́ма смяте́ние вопию́т о побе́дах надо мно́ю самово́льных мои́х страсте́й.
Припев: Преподобная мати Марие, моли Бога о нас.
О Мари́е! В бе́здне грехо́в утопа́юще, ты просте́рла ру́ки к Ще́дрому Бо́гу и Он, жела́юще твоего́ всеце́лаго возрожде́ния, подо́бно Петру́, просте́р тебе́ человеколю́бно боже́ственную ру́ку.Мф.14:31
Сла́ва Отцу́ и Сы́ну и Свято́му Ду́ху.
Безнача́льная, несозда́нная Тро́ице, Еди́нство неразде́льное! Приими́ мя, ка́ющагося, и, согреши́вшаго мя́, спаси́, и́бо аз — творе́ние Твое́, не отри́ни, пощади́ и изба́ви мя́ о́гненнаго осужде́ния.
И ны́не и при́сно и во ве́ки веко́в. Ами́нь.
Пречи́стая Влады́чице, Богороди́тельнице, наде́ждо все́х, к Тебе́ прибега́ющих, Приста́нище су́щих посреде́ бу́ри зо́л! Ми́лостиваго Созда́теля и Сы́на Твоего́ умоли́ поми́ловати на́с, моли́твами Твои́ми.
Песнь 3.
Ирмос: Утверди́, Го́споди, на ка́мени за́поведей Твои́х, подви́гшееся се́рдце мое́, я́ко Еди́н Свя́т еси́ и Го́сподь.
Припев: Помилуй мя, Боже, помилуй мя.
Рабо́ю своево́лия су́щи, ты родила́, душе́ моя́, де́рзость, сло́вно но́ваго Исмаи́ла, и уподо́билася дре́вней еги́птянке Ага́ри.Быт.16:16
Припев: Помилуй мя, Боже, помилуй мя.
Ты ве́даеши, душе́ моя́, о ле́стнице Иа́кова, от земли́ к небеса́м восходяще́й. Почто́ же не соверши́ла ты восхожде́ния по тве́рдым ступе́ням благоче́стия?Быт.28:12
Припев: Помилуй мя, Боже, помилуй мя.
Подража́й, душе́ моя́, Мелхиседе́ку, свяще́ннику Бо́жию и Царю́ уедине́нному — подо́бию жи́зни Христо́вой посреде́ люде́й.Быт.14:18;Евр.7:1-3
Припев: Помилуй мя, Боже, помилуй мя.
Пока́йся и воспла́чи, душе́ несча́стная, пре́жде конца́ пра́здника жи́зни твоея́, пре́жде не́жели Госпо́дь навсегда́ закро́ет две́ри Черто́га Небе́снаго.
Припев: Помилуй мя, Боже, помилуй мя.
Не озира́йся, душе́ моя́, вспя́ть, дабы́ не соде́латися соляны́м столпо́м, но да устраши́т тя коне́ц содо́млян, но́ спаса́йся, восходя́ще в Вы́шний Сиго́р.Быт.19:19-23,19:26
Припев: Помилуй мя, Боже, помилуй мя.
Не отри́ни, Влады́ко, моле́ний воспева́ющих Тя́, но бу́ди ми́лостив, Человеколю́бче, и пода́й проще́ние, прося́щим с ве́рою.
Сла́ва Отцу́ и Сы́ну и Свято́му Ду́ху.
О Тро́ице несоста́вная и несотворе́нная, Естество́ безнача́льное, в Тро́ичности Ипоста́сей воспева́емая, спаси́ на́с, с ве́рою поклоня́ющихся держа́ве Твоея́.
И ны́не и при́сно и во ве́ки веко́в. Ами́нь.
О ди́вное чу́до! Богоро́дица, от Отца́ предве́чно рожде́ннаго Сы́на, безму́жно родила́ еси́ и млеко́м, я́ко Ма́терь, пита́ла еси́, и де́вственное естество́ Свое́ сохрани́ла еси́.
Песнь 4.
Ирмос: Услы́ша проро́к прише́ствие Твое́, Го́споди, и убоя́ся, я́ко хо́щеши от Де́вы роди́тися и челове́ком яви́тися, и глаго́лаше: услы́шах слу́х Тво́й и убоя́хся; сла́ва си́ле Твое́й, Го́споди.
Припев: Помилуй мя, Боже, помилуй мя.
Кра́тко есть испо́лненное боле́знями и лука́выми ухищре́ниями вре́мя жития́ моего́. Но, о Спа́се, ка́ющагося мя приими́ и к позна́нию и́стины приведи́, и, дабы́ не ста́ти мне добы́чею в пи́щу врагу́, Ты Са́м поми́луй мя.
Припев: Помилуй мя, Боже, помилуй мя.
Иов, почте́нный пра́ведник, вели́чественно в багряни́цу облача́емый, стада́ми и бога́тством преиспо́лненный, внеза́пно обнища́л, лиши́вшись и вели́чия, и бога́тства, и сла́вы.
Припев: Помилуй мя, Боже, помилуй мя.
Иов бо́лее ины́х бы́л пра́веден и непоро́чен, но и се́й не избежа́л кова́рных сете́й лука́ваго. Ты́ же, грехолюби́вая и бе́дная душе́, что́ сотвори́ши, егда́ на пути́ твое́м возста́нет внеза́пное бе́дствие?
Припев: Помилуй мя, Боже, помилуй мя.
Высокоме́рным в се́рдце бы́л а́з и понапра́сну де́рзким. Ты же, Единоми́лостивый и Правосу́дный, не осуди́ мя́, я́ко лицеме́рнаго фарисе́я, но да́руй мне смире́ние мытаре́во и к нему́ мя причти́.
Припев: Помилуй мя, Боже, помилуй мя.
О Ми́лостиве! Ве́даю, я́ко согреше́ньми мои́ми сокруши́л аз сосу́д пло́ти моея́. Но, о Спа́се, ка́ющагося мя приими́ и к позна́нию и́стины приведи́, и, дабы́ не ста́ти мне добы́чею в пи́щу врагу́, Ты Са́м поми́луй мя.
Припев: Помилуй мя, Боже, помилуй мя.
О Ми́лостиве! Поклони́лся аз и́долу страсте́й мои́х, ду́шу оскверня́юще. Но, о Спа́се, ка́ющагося мя приими́ и к позна́нию и́стины приведи́, и, дабы́ не ста́ти мне́ добы́чею в пи́щу врагу́, Ты Са́м поми́луй мя́.
Припев: Помилуй мя, Боже, помилуй мя.
Не послу́шал а́з гла́са Твоего́, Законополо́жниче, преступи́вше Писа́ние Твое́. Но, о Спа́се, ка́ющагося мя́ приими́ и к позна́нию и́стины приведи́, и, дабы́ не ста́ти мне́ добы́чею в пи́щу врагу́, Ты Са́м, поми́луй мя́.
Припев: Преподобная мати Марие, моли Бога о нас.
В пучи́ну посты́дных поро́ков погружена́ была́ ты, Мари́е, но не поглоти́ла тя бе́здна грехо́вная, и́бо помышле́ниями о любви́ и по́двигом сла́вным, ты вознесла́ся к Любви́ Превы́сшей, пои́стине изуми́вше си́м а́нгельское естество́.
Сла́ва Отцу́ и Сы́ну и Свято́му Ду́ху.
О Еди́ное, Существо́м неразде́льное и неслия́нное в Ли́цех Божество́ — Свята́я Тро́ица соца́рственная и сопресто́льная! Тебя́ прославля́ю и Тебе́ воспева́ю пе́снь вели́чественную, в Ми́ре Го́рнем трикра́тно а́нгелами воспева́емую.Ис.6:1-3
И ны́не и при́сно и во ве́ки веко́в. Ами́нь.
О Богоро́дице, Ты непоро́чно родила́ еси́ и в де́вственности непреста́нно пребыла́ еси́! Рожде́нный Тобо́ю творе́ния обновля́ет естество́ и посему́ рожда́ет де́вственное чре́во. Ибо, что́ пожела́ет Бо́г, та́м покоря́ются зако́ны естества́, и си́лен Он твори́ти то́, что́ соизво́лит.
Песнь 5.
Ирмос: От но́щи у́тренююща, Человеколю́бче, просвети́, молю́ся, и наста́ви и мене́ на повеле́ния Твоя́, и научи́ мя, Спа́се, твори́ти во́лю Твою́.
Припев: Помилуй мя, Боже, помилуй мя.
Согбе́нной жене́-кале́ке подража́й, душе́ моя́, прииди́ и припади́ к нога́м Иису́совым, да возста́вит тя́, дабы́ ходи́ти тебе́ пря́мо стезя́ми Госпо́дними.Лк.13:11-13
Припев: Помилуй мя, Боже, помилуй мя.
Ты, Влады́ко, глубо́кий Кла́дязь еси́, из Ко́его струи́ жи́зни ве́чныя источа́ются! Изле́й же мне́ воды́ из пречи́стых ре́бр Твои́х, да и а́з, я́ко самаря́нка, испи́вше, не возжа́жду вно́вь.Ин.4:11-15
Припев: Помилуй мя, Боже, помилуй мя.
Влады́ко, Го́споди, да́ бу́дут сле́зы мои́ подо́бны во́дам Силоа́ма, в ко́их умы́ю аз о́чи се́рдца моего́, дабы́ зре́ти Тя́, Све́те Незаходи́мый.Ин.9:7
Припев: Преподобная мати Марие, моли Бога о нас.
О всеблаже́нная Мари́е! Ты́, любо́вию влеко́мая неодоли́мою к поклоне́нию Дре́ву Жи́зни, сподо́билась узре́ти жела́емое. Помоги́ же и мне́ уви́дети Превы́сшую Сла́ву — Христа́!
Сла́ва Отцу́ и Сы́ну и Свято́му Ду́ху.
Тебя́, Еди́наго Бо́га сла́вим: Свя́т, Свя́т, Свя́т Оте́ц и Сы́н, и Ду́х, несоста́вная проста́я еди́ная Су́щность, Тро́ица, Ко́ей все́ поклоня́ются!
И ны́не и при́сно и во ве́ки веко́в. Ами́нь.
О целому́дренная и непозна́вшая му́жа Ма́терь-Де́во! Из Тебе́ Бо́г, времена́ сотвори́вший, обле́кся в мою́ пло́ть, соедини́вше с Собо́ю челове́ческое естество́.
Песнь 6.
Ирмос: Возопи́х все́м се́рдцем мои́м к ще́дрому Бо́гу, и услы́ша мя́ от а́да преиспо́дняго, и возведе́ от тли́ живо́т мо́й.
Припев: Помилуй мя, Боже, помилуй мя.
О Спа́се! Аз е́смь Твоя́ давно́ пропа́вшая во тьме́ моне́та со сте́ршимся Твои́м ца́рственным Ли́ком. О Сло́ве! Преднеся́ свети́льник, Ты Са́м отыщи́ мя, яко Предте́чу в пусты́не, и Себе́ возьми́.
Припев: Помилуй мя, Боже, помилуй мя.
Возста́ни, душе́ моя́, и низложи́ плотски́е стра́сти и по́мыслы лука́вые, подо́бно Иису́су Нави́ну, порази́вшему Амали́ка и гаваонитя́н.
Припев: Преподобная мати Марие, моли Бога о нас.
Ты, Мари́е, в душе́ любо́вию к Бо́гу пыла́ла еси́ и непреста́нно пото́ки сле́з пролива́ла еси́, пла́мень страсте́й угаша́юще. Сей пла́ча да́р пода́й и мне́, рабу́ твоему́.
Припев: Преподобная мати Марие, моли Бога о нас.
О мати! Небе́сное безстра́стие ты стяжа́ла небоподо́бным житие́м твои́м. О Мари́е! И мы́, тебя́ воспева́ющие, да убежи́м от страсте́й, моли́твами твои́ми.
Сла́ва Отцу́ и Сы́ну и Свято́му Ду́ху.
Та́ко возглаша́ет на́м Оте́ц, Сы́н и Боже́ственный Ду́х: Аз е́смь Тро́ица несоста́вная — проста́я, неразде́льная, в Ли́цах неслия́нная, Аз е́смь Еди́нство, естество́м соедине́нное.
И ны́не и при́сно и во ве́ки веко́в. Ами́нь.
О Богоро́дице, из не́др Твои́х Ты Бо́га родила́, восприя́вшаго на́ш о́браз. Его́ же моли́, я́ко все́х Творца́, да моли́твами Твои́ми оправда́емся.
Кондак, глас 6.
Душе́, душе́ моя́! Возста́ни, что спи́ши? Коне́ц приближа́ется и тебе́ ли не встрево́житься? Воспряни́ ны́не, да пощади́т тя Христо́с Бо́г, Ко́ий повсю́ду есть и ми́р Собо́ю наполня́ет.
Песнь 7.
Ирмос: Согреши́хом, беззако́нновахом, непра́вдовахом пред Тобо́ю, ниже́ соблюдо́хом, ниже́ сотвори́хом, я́коже запове́дал еси́ на́м; но не преда́ждь нас до конца́, отце́в Бо́же.
Припев: Помилуй мя, Боже, помилуй мя.
Исче́зли дни́ жи́зни моея́, я́ко у́тренний со́н возстаю́щаго, посему́, я́ко Езеки́я, пла́чу на ло́же мое́м, да продля́тся ле́та жития́ моего́. Но, о душе́, исцели́т ли тя́ како́й «Иса́ия», а́ще сего́ не восхо́щет на́д все́ми Бо́г?
Припев: Помилуй мя, Боже, помилуй мя.
Припа́дающе, несу́ Тебе́, Влады́ко, глаго́лы сия́ со слеза́ми: а́з бо́лее блудни́цы согреши́л и беззако́нствовал, я́ко никто́ ины́й на земле́. Но поми́луй творе́ние Твое́, Влады́ко, и вно́вь возста́ви мя́.
Припев: Помилуй мя, Боже, помилуй мя.
Поме́рк во мне о́браз Тво́й и увя́ла его́ красота́, и от бу́ри страсте́й мои́х уга́сла жи́зни моея́ свеща́, и́бо пренебре́г аз за́поведи Твои́. Но́, о Спа́се мо́й, по ми́лости Твое́й, пода́й мне́ ра́дость, о ко́ей пое́т Дави́д.Пс.50:14
Припев: Помилуй мя, Боже, помилуй мя.
Обрати́ся, пока́йся, душе́ моя́, откро́й сокрове́нное всеве́дующему Бо́гу и возгласи́: о мо́й Спа́се еди́ный! Ты зна́ешь все́ та́йны мои́, Ты́ Са́м поми́луй мя́ по Твое́й ми́лости, о ко́ей пое́т Дави́д.Пс.50:3
Припев: Преподобная мати Марие, моли Бога о нас.
Воззва́вше ко Пречи́стой Богома́тери, ты, преподо́бная, пре́жде всего́, обузда́ла бу́рю страсте́й, свире́по тя терза́ющих и си́м посрами́ла врага́ льсти́ваго. Пода́й мне́ ны́не, рабу́ твоему́, по́мощь в скорбя́х.Пс.59:13
Припев: Преподобная мати Марие, моли Бога о нас.
О преподо́бная! Христа́, Ко́его ты возлюби́ла и усе́рдно жела́ла, Ко́его ра́ди пло́ть изнуря́ла, — Того́ моли́ о раба́х твои́х, да поми́лует на́с, и ми́р пода́ст, тебя́ почита́ющим.
Сла́ва Отцу́ и Сы́ну и Свято́му Ду́ху.
Воспева́емая на́ми Тро́ица е́сть несоста́вная — проста́я, неразде́льная, Единосу́щная, естество́м Еди́ная. Она́ е́сть Три́ Све́та и Еди́ный Све́т, Трисвята́я и Единосвята́я. Сего́ ра́ди воспо́й, душе́ моя́, Тро́ицу — Бо́га все́х, я́ко Еди́ную Жи́знь и, вме́сте,Трижи́зненную.
И ны́не и при́сно и во ве́ки веко́в. Ами́нь.
Воспева́ем Тя́, благословля́ем и поклоня́емся Тебе́, Богороди́тельнице, и́бо Еди́наго от Неразде́льныя Тро́ицы родила́ еси́ — Христа́ Бо́га на́шего, и живу́щим на земле́ яви́ла Небе́сное.
Песнь 8.
Ирмос: Его́же во́инства небе́сная сла́вят, и трепе́щут Херуви́ми и Серафи́ми, вся́ко дыха́ние и тва́рь, по́йте, благослови́те и превозноси́те во вся́ ве́ки.
Припев: Помилуй мя, Боже, помилуй мя.
О Спа́се, сле́з пото́ки источа́ю пре́д Тобо́ю и, я́ко ми́ро из сосу́да, возлива́ю на главу́ Твою́. И, яко блудни́ца, взыва́ю к Тебе́ с мольбо́ю, ми́лости прося́ще и проще́ния грехо́в.
Припев: Помилуй мя, Боже, помилуй мя.
Хотя́ и никто́ бо́лее мене́ согреши́л пре́д Тобо́ю, но приими́ мя, со стра́хом ка́ющагося и с любо́вию зову́щаго: о Ми́лостиве! Тебе́ еди́ному согреши́л, поми́луй мя́.
Припев: Помилуй мя, Боже, помилуй мя.
Пощади́, о Спа́се, творе́ние Твое́, и, я́ко па́стырь отыщи́ мя́, заблу́дшаго, спаси́ от во́лка лю́таго и приведи́ мя́ на па́стбище ове́ц Твои́х.Пс.118:176
Припев: Помилуй мя, Боже, помилуй мя.
Егда́ Ты́, ми́лостивый Спа́се, я́ко Судия́ возся́деши на Престо́ле и явле́на бу́дет непристу́пная Сла́ва Твоя́, о каково́й бу́дет у́жас у ви́дящих пе́щь горя́щую, и́бо вострепе́щут все́ на Стра́шном Суде́ Твое́м.Мф.25:31,41:47
Припев: Преподобная мати Марие, моли Бога о нас.
Тебя́, преподо́бная, Сама́ Ма́терь Све́та Незаходи́мого просвети́ла и от страсте́й освободи́ла! Сего́ ра́ди, яко восприя́вшую сию́ ми́лость, просвети́, мо́лимся, с ве́рою восхваля́ющих тя́.
Припев: Преподобная мати Марие, моли Бога о нас.
Боже́ственный Зоси́ма, о ма́ти, уви́дел в тебе́ и́стинное подо́бие а́нгела во пло́ти и, зря́ще сие́ но́вое чу́до Бо́жие, со тре́петом Христа́ воспе́л во ве́ки.
Сла́ва Отцу́ и Сы́ну и Свято́му Ду́ху.
Безнача́льный Отче, Сы́не собезнача́льный, Уте́шителю благи́й — Ду́ше пра́вый! О Роди́телю Сло́ва Бо́жия! О Сло́во Отца́ безнача́льнаго! И Ты́, о Душе́ живы́й и созида́ющий! Тро́ице еди́ная, поми́луй мя́!
И ны́не и при́сно и во ве́ки веко́в. Ами́нь.
Сло́вно пурпу́рная тка́нь вы́ткана во чре́ве Твое́м, Пречи́стая, духо́вная багряни́ца — Пло́ть Емману́ила. Посему́ и́стинною Богоро́дицею Тебя́ имену́ем.
Песнь 9.
Ирмос: Безсе́меннаго зача́тия рождество́ несказа́нное, Ма́тере безму́жныя нетле́нен Пло́д; Бо́жие бо рожде́ние обновля́ет естества́; те́мже Тя́ вси́ ро́ди, я́ко Богоневе́стную Ма́терь правосла́вно велича́ем.
Припев: Помилуй мя, Боже, помилуй мя.
Сы́не Дави́дов, сло́вом Свои́м бесну́ющихся исцеля́ющий! Умилосе́рдися, спаси́, поми́луй мя, и, я́ко разбо́йнику благоразу́мному, та́ко и мне́ сподо́би услы́шати блаже́нный гла́с Тво́й: «Истинно глаго́лю тебе́: со Мно́ю бу́деши в раю́, егда́ прии́ду во Сла́ве Мое́й».Лк.23:43
Припев: Помилуй мя, Боже, помилуй мя.
Из двух разбойников распятых еди́н хули́л Тебя́, друго́й же — Бо́гом испове́дал. О Ми́лостиве! Ты́ мне́, в Тебе́, распя́том, и́стиннаго Бо́га узна́вшему, я́ко покаявшемуся разбойнику, отве́рзи две́ри во Ца́рствие Сла́вы Твоея́.
Припев: Помилуй мя, Боже, помилуй мя.
Творение содрогну́лось, го́ры и ка́мни распа́лись, земля́ сотрясла́сь, ад опусте́л, и све́т поме́рк посреде́ дня́, ви́дяще Тя́, Иису́се, пло́тию пригвожде́ннаго.
Припев: Помилуй мя, Боже, помилуй мя.
О еди́ный мо́й Спаси́телю! Молю́, не поспеши́ уви́дети во мне́ зре́лыя плоды́ покая́ния, и́бо си́ла ду́ха оскуде́ла во мне́. Но внача́ле да́руй моему́ се́рдцу смире́ние и душе́ — нестяжа́ние и, тогда́ принесу́ их Тебе́ в же́ртву благоуго́дную.
Припев: Помилуй мя, Боже, помилуй мя.
О Судие́ мо́й и Всеве́дче, хотя́щий вно́вь приити́ со а́нгелами суди́ти ми́р! Пощади́ мя́, воззре́вше ми́лостивым Твои́м о́ком, и поми́луй мя́, Иису́се, па́че все́х челове́к согреши́вшаго.
Припев: Преподобная мати Марие, моли Бога о нас.
О преподо́бная, ты изуми́ла все́х блаже́нным житие́м твои́м: и во́инства а́нгелов, и со́нмы людски́е. Ибо, естество́ челове́ческое превзоше́дше, я́ко беспло́тный а́нгел, ты стопа́ми, сло́вно су́шею, перешла́ Иорда́н.
Припев: Преподобная мати Марие, моли Бога о нас.
О преподо́бная ма́ти! Ми́лость Творца́ к воспева́ющим тя приклони́, избавля́юще от нападе́ний зла́ и от скорбе́й, да непреста́нно возве́личим просла́вившаго тя́ Го́спода.
Припев: Преподобне отче Андрее, моли Бога о нас.
О Андре́е честны́й, о́тче преблаже́ннейший, па́стырю Кри́тский! Всегда́ моли́ся о воспева́ющих тя́, да изба́вятся от гне́ва и скорбе́й, и от ра́н прегре́шений тя́жких, с ве́рою чту́щия па́мять твою́.
Сла́ва Отцу́ и Сы́ну и Свято́му Ду́ху.
Отца́ просла́вим, Сы́на превознесе́м, Боже́ственному Ду́ху ве́рно поклони́мся — Тро́ице неразде́льной, еди́ной по существу́, я́ко еди́ному Све́ту и я́ко трои́м Све́там, я́ко еди́ней Жи́зни и трои́м Жи́знем — Тро́ице животворя́щей и освяща́ющей вселе́нную.
И ны́не и при́сно и во ве́ки веко́в. Ами́нь.
О Богоро́дице Пречи́стая! Храни́ Тво́й гра́д, и́бо к Тебе́ он с ве́рою прибега́ет, Тобо́ю укрепля́ется, Тобо́ю всегда́ побежда́ет, Тобо́ю беду́ превозмога́ет, Тобо́ю враго́в пленя́ет, Тобо́ю избавля́ется от вся́ких притесне́ний!